أخي العزيز طاهر الصوفاني

سعدت جداً بتعليقك و كلامك الجميل

و أتمنا أن يكون ما كتبت قد لاقى استحسانك

بلغ سلامي لصديقك إللي قال عليا لاسع

أشكر حضورك و تمنياتي لك بالتوفيق

هما مين و إحنا مين

هما الامرا و السلاطين

هما بيلبسوا أخر موضة

و إحنا بنسكن سبعة في أوضة

هما بياكلوا حمام و فراخ

و إحنا الفول دوخنا و داخ

هما بيمشوا بطيارات

و إحنا نموت بالاوتوبيسات

هما حياتهم بامب جميلة

هما فصيلة و إحنا فصيلة

حادي يا بادي يا عبد الهادي

يا اللي عليك قصد الغنوادي

لما الشعب يقوم و ينادي

يا إحنا يا هما في الدنيا دي

حزر فزر .. شغل مخك

شوف مين فينا حيغلب مين

الفاجومى

روبابكيا —-

بكيا

خردة اشتريتك ياشعب هايل

بجردل بلاستك وشويه هلايل

بطشت نحاس قديم مجنزر ومايل

بقرفك وطينك وعشق الجمايل

وخلخال دهب

كان في رجل بلدي

قديم وبلدي

زعلان مني دلوقتي

عشان يعني بعت المصانع

ومنعت المصلي يروح جوامع

اخص عليك عبيط ماعارف

وتحت رجللك مانت شايف

انا يابني خبره وخدها عبره

ولاتسمع كلام ولاتفتح شفايف

منا مالااول قايلك ومالبدايه نويتلك

فاكر اول مره قابلتك

كلمتك

حزرتك

عاهدتك

بسنين عجافك

وفرحه باهته ووعد زايف

اكدب عليك

ولااصارحك

السنه دي سوده

والي جاي اسود وحالك

الخزنه فاضيه

وديون تقيله

مورد قنالك

وبترولك

وحتي السياحه

والضرايب

وخراب بيتك

وقوت عيالك

ماتكفي

طب اعمل ايه

واعيش ازاي

ومنين

كان لازم ابيعها

وابيعك معاها

ووفي بعهدي

ليك

انا مش وعدتك مالبداية

فاكر؟

اول مره قابلك وكلمتك ووعدتك

اشرب معايا في صحتك

وبمزاجك مش غصب عنك

طب بس دوق

دا لذيذ ورايق

دا عصير قلوبكم

زهره شبابكم

ترياق حياتكم

عتقتة وخزنته

من سبعه وعشرين سنه

وعصرته خمره

اتوضي بيها

مع الابالسه

مانتش هتشرب

ان شالله عنك

اشرب بدالك

*****

انا

مستحليكا

ومستكيف ليكا

باسم البلوتيكا

وافشخانيك

العبلك لعبه تانيه ياويكا

مش خايله علينا تلتنيكا

يعملوا ايه في زمنيكا

طب دول لموظفيكا

وباقي شعبيكا ؟

مثلا سباكيكا

ونجاريك

وباقي عماليك

يعيشوا ازاي ومنين ياانتيكا

وطبليك

ورقاصيك

وبتوع الشيكا بيكا

وكدابين الزفه وولاد كلابيك

يذودهم علي غلبنيكا

باسعاريك

لما

تولعيك

مش هنسلم ليك

قاعدين علي قلبيك

لنهايه حكميك

ياعمرنا ياعمريكا

وهنحاسبيك

بكل ماضيك

الاصفريكا

معندكش لعبه تانيه تكون فابريكا

اسال امريكا

وقانون ايكا

وكدابيك

بيهددنوني بحبسيك

لو اتعرضت ليك

انا بس بهزر ياويكا؟

منا قولتلك م الاول

مستحليك

ومستكيف ليك

؟

كتبها طاهر الصوفاني

طاطي رأ سك طاطي طــــاطي

أنت ف وطن ديمقراطـــــــي

أنت بتنـــعــــم بالحــــــــــرية

بس بشرط تكون مطاطــــــي

لما تكون شغــال بذمــــــــــة

خايف على مصــلحة الأمــة

شغلك يطلع من غير لازمــة

علشان مبيعلاش غير واطي

طاطي راسك طاطي طاطـــي

أنت ف وطن ديمـــــقراطي

لما حاميها يكون حراميــها

وبلاده ورا ضهره رامـيـها

طالع نازل واكل فيـــــــــها

مسنود بالبدلة الظباطــــي

طاطي راسك طاطي طاطـــي

أنت ف وطن ديمـــــقراطي

لما شــقاك يصــبح مش ليك

فقرك سد السكة علــــــــــيك

تتلفّت تلــــقى حـــوالـــــــيك

إما حرامي و إما عقــــاطي

طاطي راسك طاطي طاطــــي

أنت ف وطن ديمقراطـــــــي

لماتلاقي بـــــلاد الـدنـيـــــــا

فيها البني آدم حــــاجة تانية

وأنت في الطبقات الـــــــدنيا

قرد مسلسل أو وطواطــــي

طاطي راسك طاطي طاطـــي

أنت ف وطن ديمقراطــــــي

لما الجهلة يبــــــقوا أمــامــك

أو فوقك ماسكــين ف زمامك

ويسوقك ع الهــلكة إمامك

تشرب م السم السقـــــراطي

طاطي راسك طاطــــي طاطي

أنت ف وطن ديمقـــــــراطي

لمــــا الكلـــمة تكون بتدينـك

لما تخبي ف قلـــــــبك دينــك

لما الذل أشوفه ف عيـــــــنك

هات إحباطك على إحباطــــي

طاطي راسك طاطي طاطـــي

أنت ف وطن ديمقراطــــــي

أنت ف وطن ديمقراطـــــــي

ما رأيكم دام عزكم

يا انتيكات

يا غرقانين

فِ المأكولات و الملبوسات

يا دفيانين

و مولعين الدفايات

يا محفلطين (1)

يا ملمّعين يا جيمسنات

يا بتوع نضال آخر زمن

ف العوامات

ما رأيكم دام عزّكم

جيفارا مات

لا طنطنة

و لا شنشنة

و لا إعلامات و استعلامات

عيني عليه ساعة القضا

من غير رفاقه تودّعه

يطلع أنينه للفضا

يزعق و لا مين يسمعه

يمكن صرخ من الألم

من لسعة النار فِ الحشا

يمكن ضحك

أو ابتسم

أو ارتعش

أو انتشى

يمكن لفظ آخر نفس كلمة وداع

لَجل الجياع (2)

يمكن وصية للي حاضنين القضية

بالصراع

صور كتير ملو الخيال

و ألف مليون إحتمال

لكن أكيد و لا جدال

جيفارا مات موتة رجال

• *******

يا شغالين و محرومين

يا مسلسلين (3)

رجلين و راس

خلاص خلاص

مالكوش خلاص

غير البنادق و الرصاص

دا منطق العصر سعيد

عصر الزنوج و الامريكان

الكلمة للنار و الحديد

و العدل أخرس أو جبان

صرخة جيفارا يا عبيد

في أي موطن أو مكان

ما فيش بديل

ما فبش مناص

يا تجهّزو جيش الخلاص

يا تقولو عَ العالم

خلاص

1968

الفاجومى

وعجبي -

وعجبي

ونا عجبي علي ناس في الازمه لبسوا جديد

وعجبي علي ناس يوم الحرب هربوا بعيد

وعجبي علي فارس ماسك سلاح في الأيد

وحزامه كان الجلاله وسلاحه قلم وجريد

وانا عجبي علي ناس يوم الحزن عاملواعيد

وعجبي لقلب انفطر عـ الظلم والتبديد

وعجبي لقلب انفطر عـ الحب والمواعيد

وعجبي يا ليي ابتليت بعشق النفس والتحميد

وتلبس لباس الملوك ولا تقنع بأي مزيد

وعجبي ذاد ع لي في حب الدنيا ماشي زهيد

وانا عجبي ع لي يقتل بريء ويقولوا أنه شهيد

وعجبي لشهيد الكرامة لاذكري ولا تمجيد

وعجبي يا زمن العجب علي شاب جدع وفريد

وضيع حياته هدر علي صحبه السو والتشريد

وعجبي للي يجيب في سيره الناس بالذم والتهديد

ولاشافش يوم علته وواهم إن رأيه سديد

وعجبي علي شايب الراس والعقل طفل بليد

وعجبي لطفل أتنشأ علي الدين ورأيه رشيد

وانا عجبي علي عالم موهوب بعلم مفيد

وعجبي لجهل القلوب وحجه التقاليد

كتبها (طاهر الصوفاني)

كتبها طاهر الصوفانى في 04:10 صباحاً ::

انت شيوعى

انا مصراوى

انتومصايب

انتو بلاوى

ممكن اعرف مين الأول

بيكلمنى

احنا نيابة أمن الدولة

دولة مين

دولة مصر

مصر العشه

ولآ القصر

أيوه حنبدى ندور ونلف

حاجه تنرفز خالص

اف

مالك.. شايل طاجن خالك

لم لسانك ما تخرفش

أنا ما اقصدش اهانتك طبعا

ايوه استعبط

لا ما اعرفش

ايه رأيك فى سفارة كوريا

ايه رأيك فى قضية مصر

مصر فى وحده

هى وسوريا وليبيا

ولازم ييجى النصر

ييجى منين و ازاى ولمين

آدى كلام الشيوعيين

أنا من حقى

حق فى عينك

أنا بتكلم بينى وبينك

يعنى كلام بره التحقيق

اذا كانش يسبب لك ضيق

طيب فول

مين مسؤل ؟

مين مسؤل عن ايه يا أخينا

ع اللى جرى لنا ف غزه وسينا

أنت شيوعى أكيد وطاوعنى

فض دمغك من دى قضيه

شعبنا جاهل

مهما تقول له

مش حيآمن بالشيوعيه

ما الشيوعيه فى فيتنام

ايه رأيك فيهم يا همام

مش بطال مش بطال

لكن احنا .. ورانا عيال

طب ما نحارب

لجل عيالنا

يطلعوا أسعد من اجيالنا

انت الظاهر مخك فاضى

وحتتعبنى معاك ع الفاضى

وأنا بحبت معاك بكفايه

ابقى اتفلسف عند القاضى

هى قضية ؟

لأ ملوخية

آمال فاهم ايه آمال

هى الدوله دى لعب عيال

ممكن أعرف أنا هنا ليه

أيوه حتعرف

أمال ايه

يوم خمسه وعشرين الماضى

ايه مشاك عند التحرير

تحرير ايه يا جناب القاضى

أنا مش فاضى

بكره تصير

بطل غلبه وجاوب دوغرى

أنا غلباوى كده من صغرى

كل الشيوعيين امثالك

آخر غلبه وقلة ذوق

يحصل ايه لو تمشى فى حالك

فاكر نفسك مين

ما تفوق

لو راح افوق

مش من مصلحتك

أما معجب جدا بصراحتك

أيه رأيك فى حكاية الطلبه

حاجه عظيمه بشرة خير

انت دماغك ينفع جزمه

وانت لسانك ينفع سير

أخرس قطع لسانك سافل

كتر خيرك

مخك قافل

مين وداك بقى عند الطلبه

رايح ضمن المندسين

رحت أناقشهم واسمع منهم

تسمع منهم ايه ياسى طين

دول عايزيين الدنيا تولع

علشان اصلا

مش فاهمين

هى الحرب يا عالم لعبه

دى بتتكلف بالملايين

وانت حتدفع ايه من جيبك

امال حدفع من جيب مين

انت حمار وخدوك فى مشمك

رحت هناك زى الباقيين

عاملين لجنه

وقال وطنيه

مش ممكن دول وطنيين

وجماعة انصار الثورة

وفلسطين وهباب الطين

ما نخلينا يا سيدى فى حالنا

مالناومال الفدائين

هو احنا اللى نهبنا بلدهم

دول عالم صيع فاقدين

قتلوا الراجل عند الشيرتون

واحنا اللى طلعنا القاتلين

وصفى التل ده كلب وخاين

اهو كل العالم خاينين

واحد صاحبى مراته مرافقه

وهو مرافق

ييجى عشرين

أمريكا بتزعل وبتحزن

هو احنا يا عالم ناقصين

مش نستعبر

م اللى جرالنا

ونعيش بقى زى العايشين

دى عيال عملا للشيوعيه

واحنا عدو الشيوعيين

روق دمك بس يا بيه

مين مساعدكو بفالو سنين

بيساعدونا صحيح يا سى بعجر

علشان أصلا مش فاهمين

احنا حليتنا منين نديهم

ونسددهم بالملايين

يمكن يعنى قضية مبدأ

مبدأ مين وزكايب مين

هى دى عالم تعرف مبدأ

دول بقول لك

ناس مجانين

اخترعولنا السد العالى

علشان نبقى اشتراكيين

اشتراكيه هناك فى بلدهم

واحنا فى دارنا

نعيش حريين

عايزيين الفلاح الجاهل

يتساوى بالمحترامين

وكمان قال

تحديد ملكيه

أبو ألفين

يدوه خمسين

شغل ملاحده وعالم كفره

ومخالفين احكام الدين

والعمال راخرين اسم الله

فاهمين روحهم

بنى آدميين

ناس عايزين الحرق بولعه

دا كله من الشيوعيين

نشروا لنا الأفكار السوده

أولاد الكلب الملاعين

مين وداك بقى عند الطلبه

انطق قول

اتكلم مين

هما ايه مطالبهم ؟

انت حتستجوبنى يا شاطر

لأ مش قصدى

بس أنا بسأل

كانو طالبين كراريس ومساطر

ولا مطالب ميه الميه

كل الشعب مآمن بيها

دول طالبين حرب وشعبيه

مين مجنون بقى

حيمشيها

عايزين يدوا الرتش سلاح

عشان تحصل فيها مجازر

أنا لو أشوف حلوف فلاح

شايل شومه

لازم اهاجر

لازم بينه وبينك دم

دم ف عينك

هس اتلم

ثم نحارب ليه

وبأيه

بسلاح ما يموتش بعوضه

روق دمك بس يا بيه

الحرب ضروره ومفروضه

واهو نفس سلاحنا المظلوم

فى فيتنام دابح أمريكا

دى طبيعه أرض يابتى آدم

بطلوا بقى كدب وبولوتيكا

طب ما الهند بنفس سلاحنا

فى باكستان

بعزقت الغرب

رأيك يعنى ضرورى ان احنا

وحتما يعنى نخش الحرب

طيب

حاضر

فين المخبر

حتغير رأيك

بالضرب يناير

1973

الفاجومى

جائزة نوبل

كلمات أحمد فؤاد نجم وكتبها بمناسبة معاهدة السلام وحصول مناحم بيجن على جائزة نوبل

شوف عندك يا سلاملم

واتفرج يا سلام

مواطن شخص عادى

مالوش اى اهتمام

ومبارك الخيانه

ومسميها السلام

وف يوم قرا الجرايد

تاريخ ما اعرفش كام

من يومها يا ضنايا

بيشقلب فى الكلام

واتفرج يا سلاملم

اتفرج يا سلام

على شقلب يا سلام

لنا محانم جيبن يادخ

زايجة لوبن

يعنى مناحم بيجن

ياخد جايزة نوبل

تبقى النوديا يعنى الدنيا

ماشيه بتحدف بالمندار

يبقى الشهر اتناشر ساعه

يبقى اليوم ليلتين ونهار

يبقى القاتل شحص ضحية

والمقتول مجرم جبار

شفتوا ازاى ؟

اما صحيح الطب اتقدم

وحنا ما وصلناش أخبار

أيوه يا لجنة لوبن بيه

قاعدة بتلجنى ايه

أنا مش فاهم حاجه صراحه

لما القاتل ياخد جايزه

كده من دون تلبيخ وأباحه

يبقى يا أما اللجنه دى بايظه

او لامؤاخذه رئيسها حمار

يبقى يا لجنه يا عره يا كوسه

جتنا وجاتكو ستين حوسه

تبفى ف هذا الزمن المايل

ياما حنجرى علينا هوايل

تبقى اللكمه بدل الكلمه

والكاتب يمسك منشار

يبقى الراعش يعنى الشاعر

يسكن شقة فى بيت ف قصيده

يكتب فول ياكل أشعار

الفاجومى

…

الصبحيه

الصبحيه …. هي هي

من أول ما وعيت ع الدنيا

لما بقيت علي هيئتي ديه

الصبحيه لما تهل علينا تصبح

في اللي يرد بحس حنين

واللي يشق الريق و يلين

واللي يعلي الصوت ويقبح

لكن عمرها يوم ما اتقمصت

و لا قالت انها مش جايه

الصبحيه

الصبحيه في عم شحاته

تلقاه كده و بكل ألاطه

واقف علي طاست طعميه

و تقولش بيعمل شيكولاته

الصبحيه

الصبحيه في ام محمد

لو ميت كيلو كباب علي فولها

لما يهفك شوق و تزورها

تلقاه في طعمه هو الاجمل

الصبحيه

الصبحيه في عمنا حامد

نشفت بيه الدنيا و عامت

و يقولك شبعت او صامت

ما هي ياما اتهنت و اتصانت

الصبحيه

الصبحيه حدارجه بدارجه

بيبخر في بضايع خارجه

رزق و طارح للي مصالح

بايع قبل بضاعته موده

الصبحيه

الصبحيه في دكاكين تفتح

و عيال تجري في شارع تشطح

و الستات بتنقي خضارها

و غسيل بيهفهف ع الاسطح

الصبحيه

الصبحيه فلان و فلان

و جيران و مكان

حتى و لو بقا منها و كان

تفضل في قلوبنا

الصبحيه

محمد الناصرى

بيان هام

هنا شقلبان

محطة اذاعة حلاوة زمان

من القاهرة ومن كردفان

وسائر بلاد العرب واليابان

ومن فنزويلا أيضا ايران

ومن اى دار

أو بلد مستباحه

بفعل السياحه مع الأمريكان

هنا شقلبان

محطة اذاعة حلاوة زمان

نقدم اليكم بكل اللغات

مراسح وسيما وجميع الفنون

صحافه ومنابر وتلفزويونات

وخطبا ف جوامع وجبنه وزيتون

ونقزح ونركب جميع الموجات

ونبحث ونفهم فى كل الشئون

ودايما نلعلع فى كل الحالات

ولا حد سامع ولا يحزنون

وتسمع ما تسمع دا ما يهمناش

لأن احنا اصلا بناكل بلاش

فخليك فى نفسك وما تخليناش

نسلط عليك القلم واللسان

هنا شقلبان

محطة اذاعة حلاوة زمان

يسر الذاعه ولا يسركوش

بهذى المناسبه ولا بندعيكوش

نقدم اليكم شحاته المعسل

وبدون الرتوش

شبندر سماسرة بلاد العمار

معمر جراسن للعب القمار

وخارب مزارع و تاجر خضار

وعقبال أملتك أمير الجيوش

ما تقدرش تنكر

تقول ما اعرفوش

ما تقدرش ايضا تفول ما أسمعوش

شحاته المعسل حبيب القلوب

يزيل البقع ولاهموم والكروب

يأنفس يأفين يبلبع حبوب

ويفضل يهلفط ولا تفهموش

وتفهم ما تفهم دا ما يهمناش

لأن انت فاهم وعامل طناش

ح تنكر وتحلف ح اقول لك بلاش

ح تتعب دماغنا وتتعب كمان

هنا شقلبان

محطة اذاعة حلاوة زمان

لأن المخبى ظهر واستبان

وكل المسائل بدت للعيان

وطلعت حكاوى ونزلت كمان

عن التهريبه وعن كيت وكان

وعن محسوبيه وعن ألعبان ( بضم الالف)

ظهر فى المدينه كأن الطوفان

وغرق مراكب وسوح غيطان

وبعض المراكب ح تغرق كمان

وأزمة مساكن وأزمة أمان

وعالم بياكل فى عالم جعان

وريحة مؤمره فى جو المكان

مخطط خيانه مع الأمريكان

لدبح العشيره وحرق المكان

وفيه ناس بترغى ولازم بيان

كما ابلغونا جميع الودان

لهذا وذاكا وتلكم كمان

نقدم اليكم عروسه وحصان

شحاته المعسل وهذا البيان

هنا شقلبان

محطة اذاعة حلاوة زمان

بسم الله

سلام عليكم وسلمون وموز

وأما المسائل فهنجف ولوز

فيا اخوتى ويا أخوات

اليكم بيانى كما هو آت

جميع المسائل تمام التمام

وكل الكلام دا مجرد كلام

فصبرا جميلا ولا تقلقوش

وشغل الضغاين أنا ما أقبلوش

ما فيش أى حاجه

على الطلاق والعتاق بالتلاته

ما فيه اى حاجه

وقدر كمان ان فيه أى حاجه

ما لوش أى لازمه الكلام واللجاجه

وعيب ان عيل يسوق السماجه

ويعمل لى باللو ويعمل ديباجه

آنا بطبعى ضد السماسره الكبار

بحكم المنافسه وحكم الجوار

لكن مش فى طبعى

انى أعمل فضيحه

لواحد زميلى هبش كام صفيحه

ما كل الزمايل بتهبش صفايح

وكل اللى جاى مش زى اللى رايح

فيا ايها الشعب صهين تفلعص

مساء التنفس مساء الروايح

أخويا الامير بزرميط الايرانى

بعت لى السنه دى

عزمنى ودعانى وأنا قبلت طبعا

ورحنا العزومه وكانت وليمه

ما تحصلش تانى دا أيه المحمر

وأيه المكمر وايه المشمر

وايه الصوانى

وانا دماغى تعبت ولفت صراحه

من الفخفخه والهنا الاصفهانى

هناك يعنى مثلا اذا شربت طافيه

تمز بكوارع وبسطرمه ضانى

ما شفتش هناك

ناس بتحقد عليهم

ولا ناس بتشتم فلان الفلانى

لأنه اشترى عزبتين من شطارته

وحكمة ادارته وطلع مبانى

وبعد الوليمه استلمنا الهدايا

مفضض ومدهب وقز وقيشانى

وطبعا أخويا الأمير قال لى حاجه

ح اقولهالكو طبعا اذا الوقت ناسب

ح يطلع لى عيل بدون اى حاجه

ويعمل لى فلحس ويقعد يحاسب

دا حقد اشتراكى أنا ما أقبلوش

ولو هو ابنى أنا ما اعتقوش

كلام عن سماسره كلام عن دعاره

حاجات مش صحيحه جمل مستعاره

وعايزين يخلوا البلد اردغانه

وعايزنى اسيب البلد من زمان

وأنا مش ح اسلم واسيب الأمان

ولا بالبوليس والنيابه كمان

فيا ايها الشعب كمل جميلك

وصبرا واذلم حتيجى المصارى

وتاكل وتشرب تبع ما يآتيلك

وتغرق فى بحر العبيد والجوارى

وترسم حياتك حسب ما يرائيلك

ونملا الحوارى فساقى وقصارى

تسبح بحمدك وتشكر جميلك

وفضل الزباله وطفح المجارى

ختاما سلاما وآخر كلاما

ضرورا

يسود الهدوء والوئام فماذا والا

ح طربقها واللا اهرب فلوسى

واسافر قواما سلام عليكم

وسلمون وموز بصفتى رئيسا

وابا وجوز

الفاجومى

اخي محمد الناصري :

مساء الخير

قصيدة جميلة وفيها من الوفاء ما لم يعد موجودا اليوم … حكاية البركة العجوز التي تحمل عبق الماضي ورائحة الخبز .

لك كل الشكر على هذا النص الجميل والقفلة الرائعة

رد البكا دي قابلت رب كريم

السلام عليكم ورحمه الله وبركاته

ادراجي الجديد بعنوان — اشتاتا اشتوت

ارجو ان يحوز اعجابكم وهو بالكامل من وحي كلمتين من صديق عزيز اسمه عادل سعيد

شاء القدر ان اعرفه هنا فقط في مكتوب من خلال مدونته المحترمه وتعليقاته المحترمه

ونصائحه القويمه فله مني كل الشكر والتقدير وان كنت مقصر في حقه وحقكم جميعا

فذلك لضيق الوقت والعمل

تقبلوا مودتي واحترامي

شارك في إنجاح مبادرة : من أجل تدوين نظيف و بدون مشاكل.

السلام عليكم

هذه المدونة فكرتها جاءتني كرد فعل تجاه المشاكل التي طغت على مسار التدوين منذ مدة في موقع مكتوب

فجلنا عايش انسحاب مدونين ذوي مستوى جيد بسبب تهجمات تعرضوا لها من قبل أشخاص أصحاب نزعات عدوانية و أحيانا نتيجة تلاعبات صدرت ضدهم من طرف أشخاص يحسنون الضرب تحت الحزام و بالتالي فرغم أن الكثير منا يكون لديه رأي مختلف حول الإتجاه الذي تأخذه المشكلة و كذا النتيجة التي تؤول إليها إلا أنه يبقى مكتوف الأيدي غير قادر على أن يؤثر في مجراها ليتأذى بعد ذلك شخص بريئ أو شخص كان في الإمكان استيعابه رغم عيوبه ونجد في النهاية ذلك الشخص الضحية قد انسحب مكسور الخاطر دون أن يلتفت إليه أحد ثم نواصل نحن الكتابة كما لو أن شيئا لم يكن

بعد هذا و حتى أكون صريحا معكم إلى أقصى حد . أحب أن أخبركم بأن الأمر الذي دفعني أكثر نحو السعي للمشاركة في حل هذه المشكلة هو اقتناعي بأن تعايشنا مع بعض في هذا الفضاء المفتوح المفروض يستند قبل كل شيئ على مبدأ التسامح لأننا في النهاية و لا واحد منا يستطيع أن يدعي بأنه لا يخطئ.و عليه فهل لأنك تحسن فن ضبط النفس و إخفاء عيوبك يصبح غيرك ممن لا يتصف بهذه الميزة خبيثا و ابن كلب ؟؟!!: وما أبرئ نفسي إن النفس لأمارة بالسوء إلا مارحم ربي إن ربي غفور رحيم

أيها الإخوة مبادرتي التي أؤكد على كونها تبقى مجرد اقتراح قابل للإثراء من طرفكم هي فكرة بسيطة لا تحتاج إلى شرح كبير

فأولا : أنا أقترح أن تكون هذه المدونة مكانا يلجأ إليه كل من يتعرض لمضايقة أو يكون منزعجا من مشكلة أو شاهدا على تعدي مدون على آخر أو أي شيئ من هذا القبيل .يلجأ إليها عن طريق البريد الخاص فيطرح علي انشغاله فأتعهد أنا صاحب المدونة بأن أنقل المشكل لمجموعة من المدونين القدماء المشهود لهم بالحكمة و رجاحة العقل ليدلوا برأيهم حولها و يبثوا فيها …

ثانيا : الشخص المشتكي يكون له الحق في انتخاب العدد اللازم من قائمة الأشخاص المخولين للبث في المشاكل و هذا طبعا حسب ظروف الأشخاص المطلوبين

ثالثا:المدونون الذين يقتنعون بالفكرة كطريقة حضارية لحل مشاكلهم المحتملة يعلنون ذلك في مكان ثابت في مدوناتهم بعبارة واضخة متفق عليها بين الجميع

رابعا :عدد الأشخاص الذين ستوكل لهم مهمة البث في المشاكل أقترح أن يقسم إلى مجموعات دون أن يضطر أحد الذين وقع عليهم الإختيار أن يكون له نشاط جماعي ينسق فيه مع الآخرين وبالتالي فكل ما أقترحه هو أن تتوقف مشاركة هؤلاء الإخوة و الأخوات عند حد أن يبدي كل واحد منهم برأيه بشكل فردي بجوابه على السؤال الذي توجهه له المدونة و بالتالي فأنا أقترح أن يكون العدد كبيرا و هذا حتى لا نضيق على هؤلاء الإخوة .و يضمن كل واحدا منهم أن مشاركته لن تتعدى المرة في الشهر أو أقل من ذلك بقليل أو أكثر

رابعا : أنا صاحب المدونة أتعهد بأن أبقى مجهولا و هذا حتى لا يكون مجهودي الذي أرجو من ورائه رضا الله ثم المساهمة في خدمة مسيرة تدوين واعي و نظيف، حتى لا يكون وسيلة للشهرة أو منفذا لتلبية نزواتي الشخصية

**********************************************

الأشخاص الذين أقترحهم أسماؤهم كبداية هم كالآتي

ـــــــــــــــــــــــــــــــــــــــــــــــــــــ

الأستاذ مازن الشما : من هولنـــدا…إلى فلســ

الأستاذة سامية فارس : ساميات

الاستاذ وائل عزيز : عقل ونقل .. ومستقبل

الأستاذ كريم الجزائري: داخل المجال

الأستاذ مفتاح الكاديكي: شوق المطارح

الأستاذ :محمود عيشونة

الأستاذ :إدريس الهبري: أوراق

الأستاذة سامية عبد المطلب: نـــون

الأستاذ سعيد بن جبلي :تحية نضالية

الأستاذ عماد السامرائي عندما يغيب القمر

الأستاذ حسـان العـاني همسات الرجل الشرقي

الأستاذة هيفاء فويتي: أنكر دمعي

الأستاذ: معتصم عيسى

الأستاذة المستغفر فاطمة: الأخوة الإنسانية

الأستاذ محمد حماد :بقلم محمد حماد

الأستاذ سيد مختار : كلـمـة للتـاريـخ

الأستاذ عادل سعيد: متعوسة و محروسة

و أخيرا أترك لكم المجال لإبداء رأيكم في الفكرة و اقتراح أفكاركم و كذا اقتراح الأسماء التي ترونها مناسبة للمساهمة في فض المشاكل التي نتعرض لها

تقبلوا مني كل عبارات الإحترام و التقير

فاعل خير

خي محمد

صباح الخير

اشكرك على سؤالك عني من خلال مدونتي

جميل ان يتذكر الانسان من له حق الجوار او الصاقه او القربى…حتى لو كان لاسعا؟؟؟

احيانا تكون تعرف شخص مقرفك حياتك ولكن بعد مماته تفقده وتفقد روحه التي كانت تملأ

المكان….رحمه من الله للجميع ..احياء واموات

كل الود

اخي محمد الناصري : دام التألق والابداع ,,,,

جديدي قصيدة منها :

أخِي الإنسَانُ فِي شرْق ٍوَغَرْب ٍ ===== أيَرْضَى الظلْمَ مَنْ لِلظلم ِ ذَاقا؟

تحياتي لك وتقديري ,,,,

يا أخى هو انا ناقص تعليق

قريت اسمك قلت يمكن الوحى اشتغل

و الله الواحد لو بسوى على حر الشمس كان خلص يا عم محمد

الاخ محمد

أعتذر لغيابي وسأتاخر عن زيارتك قليلا …لانني

سأغادر الى السعوديه لاداء مناسك العمره..الاربعاء

اتمنى ان تكون بخير …

وسأدعو لك ولجميع الاصدقاء بالخير ولجميع المسلمين

كل الود

عاشق القلم ،سررت بزيارة مدونتك الرائعة

فلم يبق لنا غير القلم والورقة نلوذ لهما في الزمن الردئ ،في وقت تبحث فيه العصافير عن فسحة للطيران

إلى الأمام

مع تحياتي

جميل قوي قوي قوي

اخي الفاضل العزيز محمد بك الناصري

اشتاقت عيناي لرؤيه كتاباتك

واشتاق قلبي للضح والبكا علي معاني كلماتك

………….

اسعدني وجودي هنا

واحببت ان اطمئن عليالاحوال وصحه سعادتكم..والاولاد

,,,,,,,

تحياتي

اختكم

بسمه ربيع

شاعرنا الكبير / محمد

وحشتنا ووحشنا إبداعك ورسمك للفطرة المصرية والطبيعة الصافية

التي عاشها المصريون من قبل

أين أنت ؟ لعل المانع خيرا

لك خالص المودة والتقدير

السلام عليكم ورحمة الله وبركاته ..

تشرفت بزيارتك لمدونتي المتواضعة ..

أضاء الله طريقك .. وفرج ضيقك .. وأنار قلبك .. ويسر دربك .. ووهبك

من خزائنه رزقاً .. ومن نبيه شفاعة .. ومن جناته فسحة ومقاماً ..

كل عام أنت وأفراد أسرتك الكريم بألف خير وصحة وعافية .. رمضان كريم

أعاده الله عليكم باليمن والبركات .

إلى الدافئة قلوبهم .. والعذبة كلماتهم .. الرائعة صفاتهم .. أسأل الله العلي القدير أن يجعلكم من المقبولين عنده ..ويتقبل صيامكم .. ويجعل الر يان بابكم .. والفردوس نزلكم .. والكوثر شرابكم .. وكل العام وأنتم بخير وعيدكم سعيد مبارك ..

أخوكم : مفتاح الكاديكي