إيشي إيشي
كتبهامحمد الناصري ، في 4 نوفمبر 2008 الساعة: 23:27 م
يا أبو القميص مشمشي
و بنطلون شفتشي
والساعه أبصر إيشي
ما أن أوان تختشي
و أنت مربي عيال
صدق إللي يوم كان قال
المايله كيف تنعدل
و احنا على ده الحال
من رغي في التليفون
للطن في الهدفون
و كام قناة من التي
و ختمت بيها اليوم
عندك صداع م السهر
الله يكون في العون
نوعك و فيك أتظلم
كان نوع لشيء محترم
بقى جد يبني في هرم
و حفيده زق يقوم
ليك عندي حقين عرب
لو تصحى بدري في يوم
يا فرحة أمك بيك
كان نفسها تخاويك
تخاويك بأيه والنبي
ده يا ريتها جابت ديك
كائن يكون له لزوم
في عشته ملموم
ساعة غدا يندبح
و نهادي بيه معزوم
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
نوفمبر 10th, 2008 at 10 نوفمبر 2008 9:20 ص
أولا هدية مقبولة يا عم محمد
“”"”"
نوفمبر 10th, 2008 at 10 نوفمبر 2008 9:21 ص
ثانيا …
يا عم لو الواحد عايز طبخة حلوة
مايسلوقش
يشوى
ح تاخد وقت
ماشى
عايز أحلى أكتر
يشوى ببطء أكتر
يا عم محمد لو بتشوى على حر الشمس كان زمانك سويت كتير …
!!!!!!!!!
نوفمبر 10th, 2008 at 10 نوفمبر 2008 9:23 ص
فعلا و الله شباب كتير ..
الواحد ما يساوى ديك …
شىء مؤسف و جيت ع الوجيعة ….
“”"”"”"”"
نوفمبر 10th, 2008 at 10 نوفمبر 2008 9:26 ص
لكن لو قارنتهم بقى بناس تانية
ذوى الياقات البيضاء
و الأربطة الخضراء
تقول عليهم أيه ..؟؟؟
عموما حفظا للسان
و حتى لا تنجرح العين و تكتسب ذنبا
الصوفانى عمل اللازم و وصفهم فى آخر أعماله على نهج الفاجومى
و ما زالت مباحث الأداب و الأمن معا يبحثون عنه
نوفمبر 10th, 2008 at 10 نوفمبر 2008 9:47 ص
شوف يا محمد …
الشعر و الزجل فى حد ذاته شىء جميل
و كمان مباح
حتى بتاع احمد فؤاد نجم
شىء يمتعك و يسعدك ..
و كمان لو وراه معنى و هدف
و كمان تحريك همم و مشاعر و طاقات
يبقى أروع
“”"”"”"”
نوفمبر 10th, 2008 at 10 نوفمبر 2008 9:49 ص
و لست حياه بيرم التونسى عنا ببعيد
!!!!!!!!!
و لا ما بتعرفها يا محمد
؟؟
نوفمبر 10th, 2008 at 10 نوفمبر 2008 2:09 م
الشاعر الجميل محمد الناصري
حمدالله علي سلامتك
انت بتغيب كتير اوي يامحمد
الظاهر انك مش متألف مع مكتوب زيي حالاتي تمام
عموما كلامك بيتحفنا انا معجب باشعارك جدا
ولو اني حاولت اقلد كلام زي كلامك ده معرفتش
لاني من المدرسة الهزليه ومتاثر بيها جدا
بسرور هو استاذي الروحي والفاجومي طبعا مع اني ماسويش بينهم شئ لاك ده اسلوبي
انت هايل يامحمد تحياتي لقلبك والهامك
نوفمبر 10th, 2008 at 10 نوفمبر 2008 2:12 م
بس تعرف ضحكتني اوي وانت بتهدي الكلام ده لعادل سعيد
ههههههههههههههههه
ياراجل حرام عليك بقي عادل بقميص مشمشي
هههههههههههههههه
دول بينادوله الحاج عادل
قال الحاج عادل قال
ينفع بقي وهو بالشفتشي
تعرف يامحمد انا بحب الراجل ده اوي ونفسي اعرفه بجد في الحقيقه
راجعلك
نوفمبر 10th, 2008 at 10 نوفمبر 2008 2:18 م
يا أبو القميص مشمشي
و بنطلون شفتشي
والساعه أبصر إيشي
ما أن أوان تختشي
و أنت مربي عيال
****
تعرف بقي يامحمد
الكلام ده مينفعش يبقي عن عادل سعيد ابدا
الكلام ده بحزافيره عني كانك كاتبه عليا
الله يسامحك بقي
هتصحيني من غقلتي ماتسبني ياعم اعيشلي يومين مدايق انت ليه من لبسي
او من قعدتي عالنت
دنا شوفت الذل وايام مرار ولما عديت الاربعين بديت اخيب
تخيل يامحمد الخيبه بعد الاربعين مرة اوي
نوفمبر 10th, 2008 at 10 نوفمبر 2008 2:21 م
من رغي في التليفون
للطن في الهدفون
و كام قناة من التي
و ختمت بيها اليوم
عندك صداع م السهر
الله يكون في العون
نوعك و فيك أتظلم
كان نوع لشيء محترم
اه ياسيدي بسهر للصبح بين فرجة عالدش
لكلام في التلفون او عالنت بالهدفون
ما انت بقي سعادتك قاصدني
وتخيل ؟
نوعك و فيك أتظلم
كان نوع لشيء محترم
دي بقي الحجة بتاعت اللي زيي
نوفمبر 10th, 2008 at 10 نوفمبر 2008 2:23 م
يا فرحة أمك بيك
كان نفسها تخاويك
تخاويك بأيه والنبي
ده يا ريتها جابت ديك
كائن يكون له لزوم
في عشته ملموم
ساعة غدا يندبح
و نهادي بيه معزوم
*********
وكمان بتشتمني
ياعم الله يسامحك
ههههههههههههههههه
نوفمبر 10th, 2008 at 10 نوفمبر 2008 7:49 م
أخي العزيز عادل سعيد
شفت طاهر الصوفاني بيقول ايه يا عم عادل
بيقول اني كاتب الكلام ده عليك لأني قدمته لك
اهداء هيوديني في توكر باين عليه ده والله بعتهولك
بس لأبداء رأيك فيه لأن رأيك يهمني طاهر الصوفاني
باين عليه عايز يوقع بيننا يا عم عادل خلي بالك منه
ده شاعر و شغلته الكلام بس هيروح فين انا هوريهولك
شكراً على ردك الوافي و انتظرني قريباً إن شاء الله
في عمل أخر تحياتي و حبي و احترامي
نوفمبر 10th, 2008 at 10 نوفمبر 2008 8:09 م
طاهر باشا الصوفاني
ايه يا عم طاهر انت عايز تزعل مننا الراجل الطيب عادل سعيد
مطلع اشاعه اني كاتب عليه الكلام ده انا مضطر ابلغ عنك
و هعملك محضر لا قول ثلاث اربع محاضر يلا إن شالله ما حد حوش
طبعاً بعد تفحيصك و تمحيصك للقصيده لا يسعني إلا أن اشكر
لك مجهودك واضح انك قارئ جيد كان نفسي أكون كده بس فشلت
والله يا طاهر مكتوب هو اللي مش ماشي معايا انا وجدت فيه
الكثير من ألأصدقاء ألأعزاء لكن أعباء العمل لا تتيح الوقت و انت عارف
يا عم طاهر الواحد لو جلس أمام الجهاز ما بيقمش و يوم بيجر يوم
و شهر يجر شهر و هالم جره عموماً انا بحاول أرجع لنشاطي بتاع زمان
انا متشكر أوي للزياره السعيده دي و طالما القصيده عجبتك يبقى
نكتب قصيده و نتقل فيها العيار و المره دي نهديهالك انت يا عم
شكراً لوجودك الجميل
نوفمبر 11th, 2008 at 11 نوفمبر 2008 7:32 ص
الثلاثاء,تشرين الثاني 11, 2008
تهجير من خلف الستار
منذ عام 95 وحتى اليوم تم تهجير عشرة أضعاف عدد النازحين من حرب 1967
وذلك على مرأى ومسمع كل العالم
والسؤال كيف يهاجر الفلسطيني قصرا
ولكي نجب عن هذا السؤال
سأشرح لكم كيف هاجر كل من عرفت من الشعب الفلسطيني للخارج
يأخذ الشاب فيزا لأوروبا الشرقية
ويأخذ تذكرة طائرة تنزل في باريس وتكمل الرحلة
في الطائرة
في الطائرة
وفي الطائرة يمزق الشاب هويته
يمزق جواز سفره
ويقابل شرطة المطار لتسلمه للصليب الأحمر
ومنها يتوجه على السويد أو النرويج
وتضيع هويته
وينساها
ولا توجد أحصائيات دقيقة عن أعداد المهاجرين من غزة لأوروبا
ولكن الفاجعة أكبر من نزوح الفلسطينيين عن بلادهم في 67
وفقدت فلسطين خيرة شبابها ورجالها ومثقفيها
وذهب الرجال يعمرون أرض جليدية ويبنون حياة مريبة في بلاد عجيبة
وهنا يتسائل عرباوي
من يتابع المؤامرة
من يرصد ما يحدث
حسبي الله ونعم الوكيل
نوفمبر 11th, 2008 at 11 نوفمبر 2008 1:49 م
السلام عليكم
الحديث والسنة …ولي عودة إن شاء الله
نوفمبر 11th, 2008 at 11 نوفمبر 2008 4:33 م
شوف يا محمد
تعرف أن الكهربا لها فردتين
واحدة كهربا 220 أو 360 أو أكتر
و التانية أرضى ينى ميتة
لو أتنين كهربا مع بض يحصل قفلة
و الخط لا يتحمل و يضرب عند أضعف نقطة
؟؟؟؟
نوفمبر 11th, 2008 at 11 نوفمبر 2008 4:35 م
قصدى أيه
؟؟؟
قصدى واضح طبعا
المدونة موش تقدر تشيل أكتر من واحد كهربا
قصدى واحد لاسع لا غير
أو
بصورة أوضح
سيبك م الجدع الصوفانى ده
دى دماغه لافة 180 درجة
!!!!!!!
نوفمبر 11th, 2008 at 11 نوفمبر 2008 4:37 م
و خلى بالك كمان ماعادش ذى الأول
و عامل حجة الشغل
ده حتى كمان ف الشغل طلع خيبان
و الناس ف 6 أكتوبر ضحكوا عليه و أخدوا فلوسه و موش عارف يلمها
بالله عليك
أدراجاته الأخيرة مثلا تقرب من بتاعة زمان
بتاعة خلاويص
و كلام الحمام
؟؟؟؟؟
نوفمبر 11th, 2008 at 11 نوفمبر 2008 4:38 م
و كمان أعرف بعض رجال الأمن فى مدينة 6 أكتوبر
و العقيد بتاع أمن الجهاز
ممكن يريحونا منه لو ما اتعدلش و صلح دماغه
قصدى
لو مالفهاش صح
سلام
نوفمبر 14th, 2008 at 14 نوفمبر 2008 10:55 ص
*************من فضائل يوم الجمعة **************
*ساعة الإجابة وأنقل لكم ماجاء في السنة عن هذه الساعه عن أبي هريرة أن النبي صلى الله عليه وسلم قال
**خير يوم طلعت فيه الشمس يوم الجمعة فيه خلق آدموفيه أدخل الجنة وفيه أخرج منها ولا تقوم الساعة إلا في يوم الجمعة
. ( صحيح ) .
وفيها ايضا :
عن أبي هريرة أن رسول الله صلى الله عليه وسلم ذكر يوم الجمعة فقال فيه (((ساعة ))) لا يوافقها عبد مسلم وهو قائم يصلي يسأل الله تعالى شيئا إلا أعطاه إياه وأشار بيده يقللها رواه البخاري
وقال أيضا *التمسوا الساعة التي ترجى في يوم الجمعة بعد العصر إلى غيبوبة الشمس وبهذا نعرف أن من فاته عصر الجمعه فيكو نتحسرا أكثر ممن يفقد ميتا
لا تنسونى من دعائكم
نوفمبر 14th, 2008 at 14 نوفمبر 2008 6:36 م
• رَبَّنَا ظَلَمْنَا أَنفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُونَنَّ مِنْ الْخَاسِرِينَ .
• رَبَّنَا لا تَجْعَلْنَا فِتْنَةً لِلْقَوْمِ الظَّالِمِينَ * وَنَجِّنَا بِرَحْمَتِكَ مِنْ الْقَوْمِ الْكَافِرِينَ .
• رَبَّنَا أَفْرِغْ عَلَيْنَا صَبْرًا وَتَوَفَّنَا مُسْلِمِينَ .
• رَبَّنَا آتِنَا مِنْ لَدُنْكَ رَحْمَةً وَهَيِّئْ لَنَا مِنْ أَمْرِنَا رَشَدًا.
• رَبِّ اشْرَحْ لِي صَدْرِي * وَيَسِّرْ لِي أَمْرِي .
• رَبِّ زِدْنِي عِلْمًا .
• رَبِّ أَنزِلْنِي مُنْزَلا مُبَارَكًا وَأَنْتَ خَيْرُ الْمُنزِلِينَ .
• رَبِّ أَعُوذُ بِكَ مِنْ هَمَزَاتِ الشَّيَاطِينِ * وَأَعُوذُ بِكَ رَبِّ أَنْ يَحْضُرُونِ .
• رَبَّنَا آمَنَّا فَاغْفِرْ لَنَا وَارْحَمْنَا وَأَنْتَ خَيْرُ الرَّاحِمِينَ .
نوفمبر 14th, 2008 at 14 نوفمبر 2008 7:35 م
الاخ محمد
مساءك كل الخير
شو يا اخ محمد…ازا بعدنا شويه ما بتزورنا او نسمع اخبارك؟؟
انا اعتذر لغيابي الغير مقصود…بس ها انا ازورك …
اشكرك ع هيك موضوع مهم …في زمن الافلاس الروحي والثقافي وكل ما بخطر ع بالك..
دمت بخير
نوفمبر 17th, 2008 at 17 نوفمبر 2008 12:06 م
هنيئا آل غزة ….
ليس صبرا آل غزة … كآل ياسر
لأنكم بالفعل …
…..
صابرون …
صامدون …
صادقون …
عابدون …
حامدون …
للآخرة …. مشترون .
للدنيا ….. بائعون …
للهامات … رافعون ..
هنيئا آل غزة ….
فعلوها من قبل أسلافكم فى شعب أبى طالب …
لا مترجل و لا راكب و لا محارب …
بلا نعيم و لا مآكل و لا مشارب …
ثم دانت لهم الدنيا مشارق و مغارب …
هنيئا آل غزة ….
فرق الساسة المسلمين و ربهم و أمامهم واحد …
و ذهب كل فى طريق خلف راكع و حاقد …
ثم تتلاقى قلوب محمد عند شعب مجاهد …
و سعى اليكم البر و الفاجر و التائب و الحاسد …
هنيئا آل غزة …
توجس الغرب المسلمون قادمون …!!!
و رفعوا الصليب على العقيدة حاقدون …
و لن يرضوا بغير قوم راكعون …
فزعوا من عراة صامدون …
و رعبوا من عزل صامدون …
صار التوجس …
الغزاويون
…
..
.
.
قادمون
…..
هنيئا آل غزة
ديسمبر 1st, 2008 at 1 ديسمبر 2008 1:43 م
@
الأهم من الصيام و القيام فى الأيام ا؟لأول من ذى الحجة …
درة المفسدة مقدم على جلب المنفعة ( قاعدة فقهية )
تذكر قريبا قاطعته
أو جارا آذيته
فلا يدخل الجنة قاطع و لا من لا يأمن جاره بوائقه
زر مريضا … يصلى عليك سبعون ألف ملك
صل رحمك … كى يمد لك فى أثرك و يبسط لك فى رزقك
أستغفر الله دوما …. يجعل لك من كل هم فرجا و من كل ضيق مخرجا و يرزقك من حيث لا تحتسب
تصدق بأى صدقة و لو صغيرة … تكن لك حجابا من النار .
اللهم أعنا
و أهدنا و ثبتنا
و تقبل منا
اللهم
آآآآآآآآآآآمين
@
ديسمبر 5th, 2008 at 5 ديسمبر 2008 7:11 ص
صباح الخير يامحمد
وكل سنه وانت طيب وبخير
ديسمبر 7th, 2008 at 7 ديسمبر 2008 7:25 م
صديقي محمد
تقبل الله طاعتكم..
وكل عام وانتم بخير
كل عام والمسلمين بخير…
كل عام وفلسطين وغزه والعراق بخير
كل عام والاسلام بخير
ديسمبر 17th, 2008 at 17 ديسمبر 2008 6:01 م
الاخ محمد
كيفك وشو اخبارك؟؟
ارجو ان تكون بخير
سله عطرا انثرها هنا..
ديسمبر 18th, 2008 at 18 ديسمبر 2008 9:53 ص
كل سنة و انت طيب يا محمد
و يا ترى الشعرا و الالم اللاسعة بتعيد كده ذينا
فتة و كبدة و لحمة ضانى
و لا ….
..
و لا بلاش أحسن