ببندقيه بقى لها سنين 

ما قالت بوم 

و حس أبكم و ودن أصم 

و كام مسؤل حكم بيقول 

على حدودك أقف زنهار

يعدي عليا ليل ورا ليل

و ألف نهار 

و تتسرسب ما بين أقدامي 

شبر في شبر قول في أشبار 

و تتكركب وراء ظهري 

سكك برجعها بالمشوار 

و لو كان لي حق أختار

لكنت أختار نخله و دار

و أرض أتعشى من خيرها 

ما أعوذ غيرها

و لو مس خسيس طيرها 

أدافع عنها لو حتى بزر خيار

ولا أطلب يشتريني بعيد

و لا أخاف ان خلي بي جار

و نسمع ياما جد كلام

و ياما الجد يبقى هزار

و دم الخلق ليه غالي

و أفرق دمي بالقنطار