أنا و ضميري اثنين *** دائما في حاله حرب
حاولت يوم اقتله *** موت نفسي ضرب
| ► | نوفمبر 2009 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
فلسفتي في الحياه
اني بلا فلسفه
هي الحياه لوحدها
ماشيه و متستفه
لا عايزه رفعه ايد
ولا طالبه رفصه رجل
لو الفطار كفيار
او العشا كان فجل
فبراير 6th, 2008 كتبها محمد الناصري نشر في , اشعار, كراكيب دماغي,
الصبحيه …. هي هي
من أول ما وعيت ع الدنيا
لما بقيت علي هيئتي ديه
الصبحيه لما تهل علينا تصبح
في اللي يرد بحس حنين
واللي يشق الريق و يلين
واللي يعلي الصوت ويقبح
لكن عمرها يوم ما اتقمصت
و لا قالت انها مش جايه
الصبحيه
الصبحيه في عم شحاته
تلقاه كده و بكل ألاطه
واقف علي طاست طعميه
و تقولش بيعمل شيكولاته
الصبحيه
الصبحيه في ام محمد
لو ميت كيلو كباب علي فولها
لما يهفك شوق و تزورها
تلقاه في طعمه هو الاجمل
الصبحيه
نوفمبر 10th, 2007 كتبها محمد الناصري نشر في , اشعار, كراكيب دماغي,
في قصيدة ماهياش
عاطفية
ولا سياسية
و لا فكاهية
قلت اكتبها
في وقتي الفاضي
و أروق فيها
العقل شوية
و أبعد فيها
عن زحمتنا
وعن فرختنا
و عن لحمتنا
وأبعد حتي
عن باب بيتنا
اللي سايعنا
كده بالتيلة
وابعد عن تخبيط
أوتوبيسنا
اللي لوحدة
مصيبه ثقيلة
و ابعد عن
ضابط دورية
في الوردية
اخد تعسيلة
وانسا اجورنا
و انسا ضميرنا
و انسا ان احنا
في عز صبانا
شيخنا و شعرنا شاب
و كبرنا
و انسا مشاكل
مالهاش عد
اتعدت حد
ماعاد يتحد
و انسا حزام
عالبطن اتشد
تبت قرط
وسطي و خرط
هرب دمي
بجذر و مد
و انسا طابور
علي لقمه عيش
و انسا التخطيف
و التهبيش
و انسا ان احنا
بنأكل طقة
و بنسيب طقة
لا هو للوفر
ولا دماغ طقة
دة ببساطة لأنة مافيش
و فضلت ابعد
و ابعد و انسا
و انسا اذاي
و الكل فاكرني
أكتوبر 17th, 2007 كتبها محمد الناصري نشر في , اشعار, كراكيب دماغي,
كل سنة و أنت طيب
يا عم عبدة
كل سنة و أنت
كل الدوا واخدة
كل سنه واللي
في جيبك بيخلص
كل سنه الصحه فيها
تروح و تنقص
كل سنه و الحمول
عليك بتتقل
كل سنه الشيله
فوق رأسك بتكبر
كل سنه من الهموم
تشرب و تسكر
كل سنه عيالك
تطول و انت تقصر
سبتمبر 19th, 2007 كتبها محمد الناصري نشر في , اشعار, اطفال, تقاطيعك, كراكيب دماغي,
تقاطيعك
وأنت بتتبسم
و بتتنسم
روحي بروحك
و بتتقسم
في عنيك نظرة
تدي في لحظة
ثلاث حركات
واحده برائة
و واحده حداقة
و نظره سكات
تهدا ما تهدا
مش راح أصدق
ههرب منك
و أطلع أسبق
و أنت بعلو الصوت
بتنادي
يا بابا
سبتمبر 2nd, 2007 كتبها محمد الناصري نشر في , اشعار, الجدعان, الحقيقه, كراكيب دماغي,
قالولنا اهل زمان
السجن للجدعان
ملعونه دي المجدعه
في كل وقت اذان
لو هي دي المجدعه
يبقا احنا ايه جديان
هو عشان ما نعيش
لازم ما نبقي حيتان
ولا كلاب بسنان
نلحس كعاب السيد
و نهبش الغلبان
هي دي روح الناس
ولا ده طبع مكان
من وقتنا لزمان
فرعون ابو العمدان
أغسطس 27th, 2007 كتبها محمد الناصري نشر في , اشعار, اطفال, كراكيب دماغي,
شيخ بالبراميل
عمال بيميل
طالع بيدلدأ عالسلم
و كمان بيسيل
سال منه كتير؟
سال منه شويه
عسل اسود
وقعوم فى البير
والبير ده كبير
قاعد تحتيه
صبيان و بنات
من غير تفسير
بياع طراطير
عدى عليهم
قامو لبسوها
و نزلو فتصوير
براويز تذكار
روح يا نهار
خلينا نشوف
فوانيس النور
أغسطس 16th, 2007 كتبها محمد الناصري نشر في , النشال, كراكيب دماغي,
انا نشال و مربعي
سوق التلات و السبت
قلبت ياما كتير
و لا عمري يوم اتشفت
اية
مين دة اللي بيخبط
على كتفي دة
أغسطس 4th, 2007 كتبها محمد الناصري نشر في , اشعار, الحقيقه, كراكيب دماغي,
انا اللي كرمني الاله
بعد ان أموت أندفن
وان كان مكان دا كان
كان بينا رطرط عفن
مال وششكم كده
يوليو 30th, 2007 كتبها محمد الناصري نشر في , اشعار, ايام دول, رفض, كراكيب دماغي,
ياللي ركبت الموج
و فرحت بعلوه
بكره يدور الموج
و يبان سواد هوه
قبلك و ياما كتير
بالسيط و الغنى اتقوه
اليوم تحت التراب
يوليو 23rd, 2007 كتبها محمد الناصري نشر في , اشعار, رفض, كراكيب دماغي,
النهار ده صحيت
علي هاتف خطر بى
مش عايز أكل أكلى
مش عايز أشرب شربى
مش عايز ألبس لبسى
مش عايز أنزل شغلى
مش عايز أسمع اسمى
مش عايز أنبح حسى
